سلسه التعليم الاساسي للاوراق الماليه الجزء الثانى

بسم الله الرحمن الرحيم

تكلمنا المره السابقه عن بدايه المعاملات التجاريه التى تحدث فى كل شركه و كل منظمه حسابيه

فى رايي المتواضع ان الحسابات بشكل عام او علم المحاسبه هو النظام اللى بتمشي بيه كل شركه يعني مثلا لو حبينا نعرف مستوى الشركه ده
او ارباح الشركه او الخساير او اى شيء متعلق بالشركه فى الاتجاه التى تسلكه اول شيء نبص عليه هو حسابات الشركه من ميزانيه و قوايم ماليه
و بالتالى بتكون النظره ساعتها ادق من سماع اى خبر او اشاعه عن الشركه

يعني كمثال فرضا ان فى شركه ما ارباحها ممتازه و بتسير بمعدل ثابت فى الارباح و ليكن من 30 % الى 35 % سنويا
و المعدل ده مستمر من سنتين او ثلاثه و كل موارد الشركه و حساباتها بتدل على ان المعدل سيستمر ايضا لفتره تتراوح بين 5 الى 7 سنوات
و بدون اى مقدمات حصلت نوع من الاشاعات على الشركه ( كأختلاس لموظف او اتهام مدير منها )
طبعا ساعتها هيكون الاتجاه الاساسي هو الهبوط للسهم بسبب الاشاعه و لكن هل يستمر الهبوط فتره طويله ام فتره قصيره ؟
لو لم نكن نعلم المستوى المالى سوف ندخل فى حاله من التذبذب الفكرى و يكون التفكير السائد هو الهبوط العام
ولكن بمعرفه الحاله الماليه نعرف ان الشركه على الامد الطويل فى صعود و الهبوط الحالى هو مجرد عمليه من عمليات التصحيح
بالتالى يكون الهدف على المدى الطويل شراء و على المدى القصير بيع

بهذا المثال بيكون نظره عامه على النظام المحاسبي و اهميته فى التحليل المالى عموما للشركات لمعرفه المقياس لهذه الشركات

اليوم هنتكلم على المعادله الاساسيه لكل ميزانيه و مكوناتها

Assets = Liabilities + owners equity

اى ان الاصول تساوي مجموع المديونيات و حقوق الملكيه للشركه

تتكون الاصول من :

1- الكاش او المال السايل او ما يعادل المال المجمد مثل قطع الاراضي المالكه للشركه او المبانى المالكه للشركه و بالتالى المال الموجود كاش فى الخزينه للشركه

2- الحسابات التى سوف تسترد بعد فتره من الزمن ( مثل الدين الى شركه او مؤسسه اخرى )

3-المخزون الموجود بمخازن الشركه من البضاعه

4- اسهم فى شركات اخرى او سندات ماليه قامت الشركه بشرائها و امتلاكها

5- الاصول غير الملموسه للشركه ( مثل اسم الشركه او العلامه اذا كانت شركه كبيره و لها توكيلات تجاريه لشركات اخرى )

تتكون المديونيات من :

1- الحسابات الواجب سدادها فى خلال الفترات القادمه

2- مديونيات البنوك كالاقساط البنكيه

3- مديونيات طويله الاجل ( مثل الارباح على الاوراق الماليه ذات العقود الزمنيه الكبيره )

تتكون حقوق ملكيه الملاك للشركه من

1- قيمه السهم الفعليه للشركه و عدد الاسهم المتواجد فى الاسواق

2- قيمه الزياده فى سعر الاسهم الناتج من عمليات التداول على الاسهم

3- باقى الارباح للشركه و التى لا تقسم كأرباح على الاسهم

4- ارباح اخرى تحدث بصفه عشوائيه و ليست دوريه

ده التكوين الاساسي لاي ميزانيه و البنود الموجوده فى كل تكوين من هذه التكوينات

لكن يوجد عده من البنود الاخرى التى لا تدخل ضمن الميزانيه و لكنها تحدد اشياء كثيره فى الميزانيه و تنقسم الى قسمين ارباح او عائد و مصروفات

اولا العائد
1- العائد من المبيعات التى تحدث يوميا للشركه
2- العائد على الاصول القادم من الزياده فى المبيعات اليوميه
3- العائد من الاستثمارت القصيره الاجل التى تحدث فى فترات زمنيه قصيره

ثانيا المصروفات
1- تكاليف صناعه او انتاج المواد المباعه
2- المصاريف و التكاليف العامه مثل الدعايا و الاعلان و المرتبات و الاجور للاماكن
3- الضرائب
4- تكاليف الفوائد
5- الخساره القصيره التى تحدث فى راس المال الاساسي

طبعا انا عارف ان فى ناس كتيره هتقرا الكلام ده و تحس انه صعب و رخم و تقول ان الموضوع كبير جدا لكن بقول ان ده مصطلحات و الغرض منها بس اننا نفهم المعنى منها
و بعد كده ان شاء الله لما نربط الكلام ده كله و ندخل فى كيفيه عمل الميزانيه هنلاقى ان الموضوع سهل جدا
انا اسلوبي فى الشرح بيعتمد اعتماد كلى على البساطه و عدم تعقيد الامور لكن بالتالى لازم نعرف الاسامى ده و المصطلحات ده عشان لو قابلناها فى اى جزء نبقى فاهمين و كمان عشان
نعرف تكوينها و ترتيبها فى الميزانيات و يكون الموضوع ابسط من كده ان شاء الله تعالى

نلتقى ان شاء الله فى الدرس القادم ودي و تقديري للجميع